مواقف مضحكة أيام الخطوبة والزواج

مواقف مضحكة أيام الخطوبة والزواج
مواقف مضحكة أيام الخطوبة والزواج

هذه مجموعة مواقف أرجو أن تعجبكم ...

1) واحد طلب يد أخت صديقه ولما جاء يبي يشوفها قال له صديقه خلاص
أنا بقولها تجيب لي كاس ماء وأنت تعال غرفتي انخش وشوفها
(لان البنت خجولة كلش) المهم جاء الموعد وجاء الرجال ونادى أخته..
وجت الأخت وهي تفحط... ماسكة الصينية على شكل در كسون
وهي ماخذته سيارة وتفحط ......هههههههه
المهم يوم تزوجها قال لها القصة وماتت من القهر وكانت راح
تذبح أخوها .

>>>>>>>>>>>>>>>>>>>>>>>>>>>>>>>>>>>>>>>>>>>>>
2) وحده جاب زوجها تمر وجلس يأكلها واستحت من رجلها تطلع
النواة قدامه .. قامت تبلع فيها وهو يعطيها تمر وهي تبلع (خبله)
وبعدين ودوها المستشفى .

>>>>>>>>>>>>>>>>>>>>>>>>>>>>>>>>>>>>>>>>>>>>>
3) وحده جاء خطيبها يشوفها وطبعا هي بتموت من الحياء . المهم دخلت عليه وأبوها كان موجود إلا شوي ودخل خالها وبعدين عمها وبعد شوي دخلوا إخوانها كلهم وصار المجلس مليان ناس( وطبعا كلهم عيونهم عليها)
ومن يوم شافتهم كان بيغمى عليها فكرت تطلع راحت للباب ولقته مقفل
(مقفلته أمها علشان ما تطلع)
طبعا البنت طاح وجهها خصوصا لما شافت الموجودين في المجلس وهم يحاولون يكتمون الضحك ( والله فشيله)
المهم ظلت واقفة شوي لما استوعبت انه في باب ثاني راحت تركض له تبي تطلع وبعد كم خطوه إلا هيلا هوب وتطيح
طبعا هذي اللحظة البنت كان بيغمى عليها من الحياء وبس وصلت للباب وأخيرا طلعت
وهي تسمع ضحكات الشباب في المجلس عليها .

>>>>>>>>>>>>>>>>>>>>>>>>>>>>>>>>>>>>>>>>>>>>
4) وحده جت بتخطب صديقتها لأخوها . عزمتها في بيتهم وقال لأخوها طل
عليها من النافذة وشفها إذا معجبتك نخطبها لك . وافق الولد ولما جت البنت
قدمت الأخت لصديقتها شكولاته . والبنت معيا تأخذ وذيك تلزم عليها. والبنت
مصره ماتاخذ . ولما طلعت علشان تسأل أخوها عن رأيها في البنت . الاخو
شاف البنت وهي تأخذ من الشكولاته وتخش في شنطتها ولما سألته
أخته عن رأيه قال موافق على طول . وتم الزواج
وفي ليلة العرس يسأل الزوج البنت : وين الشكولاته اللي خذيتيها
من بيتنا؟؟ ( ما يرضى احد يأخذ من بيتهم شي بدون مايستاذن .. حمش).

>>>>>>>>>>>>>>>>>>>>>>>>>>>>>>>>>>>>>>>>>>>>>>>
5) واحد في ليلة عرسه جالس في زاوية وزوجته في زاوية , يكلمها مستحيه وتطالع الأرض .. يذب نكته يستهبل عليها ماش البنت تطالع في الأرض ومشكلته ولا كأن فيه أحد جالس جنبها ..
الرجال من كثر ما يكلم نفسه وبنت الناس ساكتة قال خلني بسكت وأشوف وش تاليتها معها .. يعني ثنينا تهم سكتوا ..
شوي يوم جو أخويا الزوج وقالوا بنستهبل عليه .. المهم ويقوم واحد منهم ويأخذ حصاة ويرجمها في النافذة .. عاد تخيلوا سكوووون وصوت صقعه فجأة .. البنت يوم سمعت الصوت طمرت وضمت زوجها من الخوف .. الرجال أعجبته الحركة .. ترك حرمته على جنب وطلع من النافذة وصاح لأخوياه " ثانيه شباب ثانيه " !!

>>>>>>>>>>>>>>>>>>>>>>>>>>>>>>>>>>>>>>>>>>>>>>>
6) واحد أخوياه ماينلعب معهم .. يوم عرسه مروه ربعه وقالوا يا لله مشينا الحلاق نسمكر وجهك .. يوم ودوه للحلاق ( وكانوا متفقين مع الحلاق من قبل ) وينقز واحد منهم ويتل رأسه ويقول للحلاق يا لله أدهر وأبو الشباب ما عاقت معه وجز راس المعرس .. مووووووووووس ..
المهم أنهم حلقوه موس والمعرس قفلت معه ولا قدر يسوي شي .. يوم جاء العرس طق الطاقية والغترة ومشى كل شي سليم
عاد يوم جاء في البيت لازم يشيل الغتره موب على طول بتبتل كذا .. يوم فصخ الغتره وطلعت الصلعه البنت قالت ذا مهبول ولا فيه بلا .. ولا أحد يحلق موس يوم زواجه ..
اللي زاد الطين بله أن المعرس شاف البنت خايفه وفاهمه غلط قال خلني بطينها وقعد يخوفها ويقرب رأسه يمها كنه بينطحها ويسوي حركات كنه مهبول .. يوم طلعت الشمس قالت البنت : ودني لأهلي .. قالت في نفسها أبوي ذابني على واحد مامنه رجا عاد المعرس دق على أبوها وقال له تعال يوم جاء فهمه أن أخوياه سوو كذا وكذا وأنه شافها خايفه قال خلني أستهبل عليها .. والأبو فهم البنت وعدى ذاك اليوم على خير .

>>>>>>>>>>>>>>>>>>>>>>>>>>>>>>>>>>>>>>>>>>>>>>
7) ثنين توهم متزوجين .. أول ما رجعوا لبيتهم إلا زوجها مجهز لهم عشاء .. أختنا في الله الدنيا مسودّة قدامها من الجوع .. ما ذاقت الأكل من أصبحت من زود ماهي مشتطة .. ورجلها يناديها يبيها تأكل .. البنت مستحية وما تبي تأكل قدام رجلها .. بس إنها جوعاااااانة .. قالت له لا تسلم أنا شبعانة .. يقول لها يا بنت الحلال تعالي كلي لك لقمة ولا لقمتين .. والبنت تقول أبدا الله مير ينعم به ماله محل .. ويحاول فيها من هنا من هناك وهي ميبسة دمجتها .. مع إنها كانت تتعبر مع كل لقمة يبلعها وتقول في نفسها اخلص عاد يبو الشباب علينا تراك مصختها ..
خلص زوجها من العشاء وقال لها يلا ننام ترانا ورانا قومة بدري بكرة ( الضيفة عند أهله ) .. قالت لها خلاص أنت رح نام أنا بضف الأكل أول .. الرجل ابتسم ابتسامة صفرا وقال على راحتك .. ما صدقت المرة رجلها يدخل الحجرة إلا طيرااااااااان على الأكل .. لقمة في فمها ولقمة في يدها وعينها على الثالثة .. وهي في قمة الانسجام ما درت إلا ذا اللي يمد لها كاس الموية يقول لها سمي خليه ينزل الأكل في بطنك وهي اللي تترو ع.



إلى اللقاء في مواقف أخرى............................